Month: February 2022

Pushtimi në shkallë të gjerë i Rusisë në Ukrainë është në ditën e dytë. Deri më tani, provat konkrete aktuale të avionëve të humbur në aksion, qoftë rus apo ukrainas, kanë qenë të kufizuara, për të mos thënë të pakta, teksa hedhin poshtë për një luftë ajrore.

Mes kësaj atmosfere konfuze, historia e “Fantazmës së Kievit” një piloti hero ukrainas po merr krahë duke u shpërndarë herë si legjendë dhe herë si e vërtetë mes banorëve lokalë.

Ai drejton një avion MiG-29 Fulcrum, i cili raportohet se ka shënuar një numër të madh suksesesh gjatë këtyre dy ditëve të fundit që mbron qiellin e kryeqytetit duke rrëzuar gjashtë avionë armiq.

Në rrjetet sociale kanë qarkulluar video të këtij avioni që qarkullon herë pas here në qiellin e Kievit “në kërkim të preve të tjera” që vijnë nga toka ruse.

Ukraina ka një numër shumë të vogël avionësh krahasuar me Rusinë, po ashtu sundon edhe ajrin me sistemet raketore S-300 dhe S-400, gjë që e bën tepër të vështirë që një avion kundërshtar të lëvizë në këtë zonë.

VIDEO:

Reports are coming that a Ukrainian pilot has shot down 6 Russian Aircraft today and might have possibly become the first 21st century fighter ace.

The pilot, known as “the Ghost of Kyiv” and his MiG-29 were seen in numerous videos from today.

pic.twitter.com/2T7IXIGQAb

— Visegrád 24 🇨🇿🇭🇺🇵🇱🇸🇰 (@visegrad24) February 25, 2022

Presidenti i Ukrainës Volodymyr Zelenskyy erdhi në pushtet në vitin 2019 , duke marrë drejtimin e vendit të shkatërruar nga lufta dhe korrupsioni prej rreth 45 milionë banorësh, pa ndonjë përvojë paraprake politike.

Ai fitoi presidencën duke siguruar më shumë se 73 përqind të votave. I lindur në qytetin industrial kryesisht rusishtfolës të Kryvyi Rih në Ukrainën qendrore, babai i dy fëmijëve shihej si më i miri për të pasur sukses në misionin e tij dhe pak pasi u bë president, përdori diplomacinë për të detyruar Moskën të shkëmbente disa grupe të burgosurish ukrainas të luftës.

Por vullneti i mirë i presidentit rus Vladimir Putin nuk do të zgjaste, pasi Zelenskyy nuk e ndryshoi politikën e jashtme pro-perëndimore të vendit të tij në favor të lidhjeve më të ngushta me ish zotin e tij, Moskën.

Vitin e kaluar, Rusia filloi grumbullimin e trupave të saj pranë kufijve të Ukrainës me pretekstin e mbajtjes së stërvitjeve ushtarake.

Pavarësisht paralajmërimeve nga Shtetet e Bashkuara për planin rus për të pushtuar Ukrainën, Zelenskyy u përpoq të ruante qetësinë në vend, duke u bërë thirrje ukrainasve të shmangin panikun.

Megjithatë, ai lëvizi nëpër kryeqytetet e Evropës, duke u përpjekur të sigurojë mbështetje diplomatike, ushtarake dhe financiare për Ukrainën për të penguar Moskën nga pushtimi.

Të enjten, më 24 shkurt, Zelenskyy u bë presidenti më i cenueshëm i Evropës, pasi Rusia nisi një pushtim të plotë të Ukrainës nga toka, ajri dhe deti.

“Është shumë e qartë se ai dëshiron një ndryshim regjimi dhe regjimi duhet të jetë – sipas tij – dashamirës ndaj interesit të Rusisë, duke hedhur poshtë rrugën e anëtarësimit në NATO dhe BE, duke pretenduar një lloj neutraliteti ose një pozicion të Finlandës,” tha ai. Duke iu referuar vendimit historik të Finlandës për t’u lidhur me Evropën, por për të shmangur armiqësinë ndaj Rusisë duke mos u anëtarësuar në NATO.

Zelenskyy gjithashtu e identifikoi veten si “objektivi numër një” i Rusisë, por ai dhe familja e tij mbetën në Ukrainë.

44-vjeçari kritikoi gjithashtu aleatët e Ukrainës që nuk i dolën fizikisht në mbrojtje të vendit të tij, duke u kufizuar me mbështetje verbale, financiare dhe diplomatike.

“Ne kemi mbetur vetëm për të mbrojtur shtetin tonë,” tha ai në një fjalim me video drejtuar kombit pas mesnate.

“Kush është gati të luftojë përkrah nesh? Nuk shoh njeri. Kush është gati t’i japë Ukrainës një garanci për anëtarësimin në NATO? Të gjithë kanë frikë.”

Përdoruesit e mediave sociale e kanë quajtur atë “një njeri të vetmuar, por i nderuar”.

Avokati i njohur Spartak Ngjela deklaroi se ka pasur dezertime të mëdha nga ushtarët rusë, pasi nuk ishin të informuar që do të pushtonin këtë shtet. Ngjela analizoi luftën dhe lojën e perëndimit.

Sipas tij e gjithë kjo sjellje nga ana e Perëndimit është një kurth për presidentin rus, Putin, që ta shpallin si Millosheviçin.

“E kam thënë; është kurth. Shenjat janë që këta po punojnë njësi si me Millosheviçin. Po punojnë si me Hagën. Presidenti po sillet si hero, doli i veshur si ushtarak. Priten revolta të mëdha në Moskë. Ai shefi i opozitës ka filluar të flasë. Këtu flitet nëse do të shkatërrohet Cari rus apo jo. Sot atje ka ushtarë europianë që luftojnë. Putin tha; janë mercenarë shqiptar. S’e dimë.

Çështja nuk është kaq e thjesht. Rusia është në rrezik të madh të shkatërrimit të saj. Do shkatërrohet Rusia, që të shkatërrohet Cari. Rusia nuk e njeh gjykatën e Hagës. Kemi shumë arsye që nuk i dimë, pasi janë politika të mëdha. Rusia nuk i ka mirë punët, pasi ka pasur shumë shkatërrime. Agjencia ruse tha se ka humbje të mëdha te rusët, po ashtu ka pasur dhe dezertim se thoshin se nuk e dinin që kishin ardhur për pushtim. Millosheviçi nuk shpëtoi dot. Varet se sa të vrarë do të ketë. Ku e dimë ne se nuk e kanë bërë për të gjithë këtë.”, tha Ngjela.

shkon drejt Kievit, në darkë vonë këtë të enjte doli presidenti Biden i cili tha se do të vendosin sanksione shumë të ashpra financiare ndaj Rusisë.

Por pak më parë doli ish-presidenti Trump ku gjatë një interviste për “The Clay Travis & Buck Sexton Shoë” në SHBA tha prerë se “pas Putinit do të jetë Kina e cila do të jetë e lëvizja e radhës në mënyrë agresive në skenën botërore”.

Ish-presidenti Trump tha se presidenti kinez Xi Jinping do të marrë zemër nga kjo që bëri Putin për të provuar të rimarrë Tajvanin, raporton FoxNews.

“Kina do të jetë e lëvizja e radhës,” tha Trump i vendosur. I pyetur që nëse do të ishit ju president a do të guxonte Putin apo presidenti kinez të veprojnë kështu, ai tha: “Oh, absolutisht jo. Jo me mua, ata nuk do e kishin këtë mundësi.”

Ish-Presidenti i Ukrainës, Petro Poroshenko është shfaqur i armatosur në rrugët e Kievit. Më një kallashnikov në dorë, ai u shpreh për CNN se ukrainasit janë gati për të mbrojtur vendin e tyre.

“Të gjithë duhet të kuptojnë, Putin shpalli një luftë jo për Ukrainën. Putin i shpalli luftë të gjithë botës,” tha ai. Ai e quajti presidentin rus “thjesht të çmendur”.

Poroshenko tha se batalioni i tij është rreth dy deri në tre kilometra nga luftimet midis ushtarëve rusë dhe ukrainas.

Më tej u shpreh se Ukraina ka nevojë për ndihmën e Perëndimit, duke përfshirë sanksionet, largimin e Rusisë nga SWIFT – një rrjet mesazhesh të sigurisë së lartë që lidh mijëra institucione financiare në mbarë botën – dhe bllokimin e avionëve dhe anijeve ruse në portet e BE-së dhe NATO-s.

Poroshenko falënderoi gjithashtu Shtetet e Bashkuara dhe Mbretërinë e Bashkuar për sigurimin e armëve mbrojtëse.

“Kjo është e rëndësishme për ne që të ndjejmë se nuk jemi vetëm, se ju jeni bashkë me ne”, tha ai.

Ish-presidenti tha se Putin nuk do ta pushtojë kurrë Ukrainën.

“Pavarësisht se sa ushtarë vret, sa raketa ka, sa armë bërthamore ka, ne ukrainasit jemi njerëz të lirë me një të ardhme të madhe evropiane,” tha ai.

“Kemi kallashnikovë, pistoleta, dhe armë të tjera të lehta”, shprehet ai duke marrë në dorë një automatik.

Gazetari Artan Hoxha është solidarizuar me Ukrainën në këto momente të vështira lufte. “Mbase nuk mund te jete e veshtire per ta pushtuar, por per ta mbajtur nen pushtim, nje vend dhe komb kaq te madh, do te jete vertete gati e pamundur. “Sheshi i Pavarsise” do te kthehet serish ne vendtakimin e popullit ukrainas per te festuar fitoren historike te radhes…”, shkruan Hoxha.

Postimi i Hoxhës

“Maidan Nezalezhnosti”, ne gjuhen ukrainase ose “Sheshi i Pavarësisë”, është sheshi qendror i Kievit, kryeqytetit te Ukrainës.

Ne kete shesh jane zhvilluar ngjarjet kryesore te 30 viteve te fundit per popullin ukrainas.

Që nga fillimi i lëvizjes për pavarësi të Ukrainës në vitin 1990, sheshi ka qenë vendi kryesor për mitingje politike, duke përfshirë katër fushata proteste radikale në shkallë të gjerë, te cilat kane çuar ne rrezimin e kater presidenteve autokrate…

Ukrainasit jane nje popull trim, qe nuk e pranojne keqeverisjen, dhe kane deshmuar me prova se nuk ja pertojne ta rrezojne te parin e vendit kur nuk i sherben vendit…

Mbajne rekordin si kombi qe brenda 30 vitesh, kane rrezuar kater presidente me protesta te fuqishme dhe te panderprera.

Fillimisht ishte revolucioni qe çoi ne pavarsine e vendit me 1 dhjetor 1991, pastaj ne vitin 2001 u zhvillua fushata e protestave me moton “Ukraina pa presidentin Kuçma”.

Ishin protestat më të mëdha politike që ishin pare në Ukrainë.

Gjatë Revolucionit Portokalli në fund të vitit 2004, Maidan Nezalezhnosti mori mbulim mediatik global, pasi qindra mijëra protestues u mblodhën në shesh dhe rrugët aty pranë dhe ngritën tenda për disa javë, duke duruar të ftohtin dhe borën.

Protestat kundër mashtrimit zgjedhor nga presidenti ne fuqi, çuan në një raund shtesë të zgjedhjeve presidenciale të urdhëruara nga Gjykata e Lartë e Ukrainës, të cilat u fituan nga kandidati i opozitës, Viktor Jushçenko.

Gjate vitit 2009, Yulia Tymoshenko u propozua si kandidate për presidente e opozites duke mbledhur ne kete shesh rreth 200,000 njerëz.

Ky shesh u be vendi i protestave antiruse dhe proeuropiane, te cilat filluan ne nëntorin e vitit 2013.

Me pas ato u kthyen në përleshje të dhunshme, qe perfunduan me vrasjen e 100 ukrainasve.

Sheshi qendroi i pushtuar nga protestuesit gjatë gjithë ditës dhe natës, nga 1 dhjetori 2013 deri me 27 janar 2014.

Protestat e fuqishme çuan ne rrezimin e Presidentin filorus Viktor Janukoviç dhe largimin ne ekzil te tij drejt Moskes.

Janukoviç refuzoi hapjen e negociatave me BE-ne, kunder vullnetit te popullit ukrainas. Kaq mjaftoi qe qytetaret e Kievit te pushtonin “Sheshin e Pavarsise” duke rezistuar per dy muaj me radhe deri sa Janokuviç u dorezua.

Me nje popullsi prej 44 milione banoresh dhe siperfaqe prej 603,628 km2, Ukraina eshte shteti me territorin me te madh europian, perjashtuar Rusine qe shtrihet ne dy kontinente.

Mbase nuk mund te jete e veshtire per ta pushtuar, por per ta mbajtur nen pushtim, nje vend dhe komb kaq te madh, do te jete vertete gati e pamundur.

“Sheshi i Pavarsise” do te kthehet serish ne vendtakimin e popullit ukrainas per te festuar fitoren historike te radhes…

????????????????????????????????????????

“Sheshi i Pavarsise”, Kiev 2011…

Vladimir Putin kërkon nga oligarkët rusë mbështetje në këmbim të kushteve të favorshme. Kjo mbledhje e papritur u zhvillua ditën e djeshme. Presidenti rus i siguroi atyre kushte të favorshme për aktivitetet, duke iu bërë thirrje të punojnë me qeverinë për të mbështetur ekonominë dhe “operacionit ushtarak special” në Ukrainë.

“Kjo që po ndodh është një masë shtrënguese, thjesht nuk na dhanë asnjë mundësi për të vepruar ndryshe”- mësohet të ketë thënë Putin. Ai tha gjithashtu se ata kishin krijuar rreziqe të tilla sigurie për Rusinë, saqë ishte e pamundur të reagonte me mjete të tjera.

Presidenti rus tha se ishte i befasuar që në bisedimet me Rusinë për çështjet e sigurisë evropiane, partnerët perëndimorë nuk lëvizën nga pozicionet e tyre as edhe një centimetër. Në të njëjtën kohë, ai i siguroi biznesmenët se Rusia mbetet pjesë e ekonomisë botërore dhe nuk ka ndërmend të godasë sistemin ku ai mendon se është pjesë. “Ne nuk synojmë të godasim sistemin e ekonomisë botërore në të cilin gjendemi”, tha Putin, duke shtuar se partnerët e Rusisë në Perëndim “duhet të jenë të vetëdijshëm dhe të mos synojnë të na nxjerrin nga ky sistem”.

Presidenti rus i siguroi biznesmenët që operojnë në vend se do t’u siguronte lirinë e plotë, ndërsa u bëri thirrje atyre që të punojnë me qeverinë për të mbështetur ekonominë.

“Dëshiroj t’ju kërkoj të shihni me mirëkuptim atë që po ndodh dhe të punoni me qeverinë me frymë solidariteti në kërkimin e atyre mjeteve që do të mbështesin prodhimin, ekonominë, vendet e punës, por duke u nisur nga realitetet që po marrin formë.”

Inteligjenca amerikane paralajmëron një plan që me gjasa ka në ‘kokë’ Rusia për të zbatuar kundër Ukrainës. Daily Mail, duke iu referuar Inteligjencës amerikane, shkruan se 10,000 parashutistë rusë dyshohet se do të zbarkojnë në një prej aeroporteve të Ukrainës, për të zbatuar në terren më pas planin që është kapja e presidentit ukrainas, Volodymyr Zelensky dhe qeverinë e tij.

Po ashtu thuhet se pasi Kievi të rrethohet, inteligjenca amerikane beson se plani do të jetë që forcat speciale ruse të hyjnë dhe të kapin një aeroport – me gjasë Sikorsky ose Boryspil – gjë më pas do të përdorej për të fluturuar deri në 10,000 parashutistë që do të sulmonin kryeqytetin.

Detyra e parashutistëve thuhet se do të jetë hyrja në qytet dhe më pas gjetja e Zelenskit, ministrat e tij dhe parlamentarët, dhe më pas t’i detyronin ata të nënshkruanin një marrëveshje paqeje që do t’ia kthente kontrollin e Ukrainës, Rusisë ose një regjimi kukull të mbështetur nga Moska.

36,3% e votuesve shkodranë zgjedhin kandidatin e mbështetur nga Sali Berisha, Bardh Spahia në krye të bashkisë, nëse zgjedhjet e 6 Marsit do të mbaheshin sot. Kandidatja e Partisë Socialiste, Majlinda Angoni do të merrte më shumë vota (26,4%) se kandidati i Partisë Demokratike, Xhemal Bushati (9,9%). Një në katër (27,4%) votues është i pavendosur ose nuk do të dilte në votim nëse zgjedhjet do të mbaheshin sot. Barometri i Euronews Albania pyeti qytetarët me të drejtë vote në Shkodër për zgjedhjet e pjesshme të 6 marsit dhe kandidatët për bashkinë e tyre.

Shkodranët që në zgjedhjet e fundit kanë votuar PD, sot mbështesin në mënyrë dërrmuese (70%) kandidatin e koalicionit “Shtëpia e Lirisë”, Bardh Spahia. 17% e tyre do të votonin kandidatin e PD, Xhemal Bushati. Rezultatet janë të anketës së Barometrit në Euronews Albania, kryer nga MRB dhe Data Centrum në bashkinë Shkodër, në datat 12-18 shkurt me 1000 intervista balle per balle ne familje.

Marrë nga Euronews

Ambasadori i Shqipërisë në OKB, Ferit Hoxha tha se vendi ynë bashkë me SHBA si bashkëpengëmbajtëse për çështjen në Ukrainë do të përgatisin një rezolute për Këshillin e Sigurimit për të dënuar agresionin rus.

“Shqipëria dhe SHBA po përgatisim një rezolute që do t’i paraqitet Këshillit të Sigurimit për të dënuar atë që po bën Rusia”, tha ambasadori në Opinion.