Në orën 23:30 minuta të mbrëmjes së sotme Lulzim Basha është larguar nga selia e PD-së. I ngrysur, me hap të shpejtë për të shmangur mikrofonat e medias, por jo kamerat, Lulzim Basha u largua me makinë nga selia e PD-së duke mos pranuar që të bëjë asnjë koment.
Sot ishte një test mjaft i rëndësishëm për Lulzim Bashën jo vetëm për bashkitë që do të fitojë, por edhe për faktin se cili mes tij dhe Sali Berishës do të mbajë vulën e udhëheqësit të opozitës.
Por gjithçka nisi keq e më keq. Jo vetëm që PD-ja zyrtare që drejtohet nga Lulzim Basha humbi zgjedhjet në bashkiën Vorë, basion historik, por me një rezultat mjaft të dobët duke marrë vetëm 6.8% të votave duke u pozicionuar i fundit, pasi pas PS-së u pozicionua kandidati i Sali Berishës.