Ish-kryeminstri Sali Berisha ka paralajmëuara se do të verifikohen dhe rrëzohen të gjitha tenderat për kulla apo koncensionet që janë dhënë nga qeveria e Edi Ramës të cilat nuk janë në përputhje me standartet ligjore të vendit apo edhe ndërkombëtare.
Nga ana tjetër, Berisha theksoi se shpallja e investitorëve strategjikë për shumen 5 milionë euro, është tërësisht klienteliste.
Pyetje: Ju denonconi skandalet e qeverise dhe nuk kurseni asnjë zyrtar, nga Rama te çdo ministër apo drejtor, pse nuk denonconi me emra oligarkët qe kane ngritur kulla? Mjaft akuza ka se këta oligarkë i mbështetet ju dhe Rama e beri sistem, cili është vlerësimi juaj?
Sali Berisha: Nëse rikthehesh tek periudha para vitit 2013, konstaton se termi oligarkë nuk them se nuk ekzistonte por pothuaj nuk ekzistonte.
Unë mund t’u jap fakte, buxheti i shtetit dhe kreditë, në tërësi, janë ekzekutuar nga kompani të mëdha evropiane dhe botërore e mund të ti numëroj me radhë. Se ne investimin kryesor e kemi pasur në rrugë.
E dyta, nuk është ndërtuar asnjë kullë, nuk është firmosur nga Berisha asnjë kullë.
E treta, nuk më gjen një rast të vetëm që ne të kemi dhënë një koncension pa garë. Unë e kam dëgjuar shpesh të flasin pa përgjegjësi, por dhe skaneri dhe Rruga e Kombit është me garë dhe juri ndërkombëtare.
Nuk imagjinoja kurrë të shpallja investitorë strategjik, investitorin për 5 milionë euro, jo është tërësisht investitor klientelist.
Ka qenë një tablo krejt tjetër.
Ne nuk jemi kundër të pasurve, por absolutisht jemi kundër çdo tenderi, koncensioni, partneriteti pa garë të ndershme.
Ju garantoj se një për një do shqyrtohen, do rrëzohen të gjitha ato që janë në shkelje të standarteve ligjore të Shqipërisë dhe ndërkombëtare.