Një aksident ka ndodhur këtë pasdite në Krujë, përgjatë rrugës së Lagunës së Patokut, ku dy makina janë përplasur me njëra-tjetrën dhe si pasojë 6 persona janë plagosur.
Siç duket edhe në pamje, përplasja ka qenë aq e fortë sa makinat janë shkatërruar plotësisht në pjesën e përparme.
Në vendngjarje ka mbërritur menjëherë autoambulanca e Laçit dhe ka dërguar të plagosurit në spital.
Grupi hetimor po punon për zbardhjen e rrethanave të aksidentit.