FastLajm.com

Aktorja e dashur shqiptare Matilda Makoçi feston ditëlindjen e 60. Ka lindur në kryeqytetin e Shqipërisë, Tiranë, më 19 prill 1963. Mbaroi Institutin e Lartë të Arteve në vitin 1985, në degën e aktrimit. Pas përfundimit të studimeve u emërua me punë si aktore në Teatrin Kombëtar.

Ajo eshte një nga ikonat e kinematografisë dhe teatrit shqiptar, Matilda Makoçi prej rreth 40 vitesh është larg syve të publikut. Aktorja ka rrëfyer pak kohë më parë se arsyeja e largimit të saj nga skena ishte për t’iu dedikuar totalisht djalit të saj Gregut, që erdhi nga martesa me kryeministrin Rama në fund të viteve ’80.

Rruga e Matilda Makoçit në aktrim ishte e shkurtër, por me gjurmë të thella në kinema dhe në teatër. Për aq role sa luajti, aktorja e re e viteve ‘80-‘90 krijoi menjëherë një profil të veçantë në ekranin e filmit shqiptar.Me një bukuri ekzotike, me një vështrim plot zgjuarsi dhe gjeste të sofistikuara, ajo s’u harrua kurrë nga publiku.

Gjatë ‘Prime’-t të sotëm pritet që të shpallet finalisti apo finalistja e parë e këtij edicioni të dytë të “Big Brother VIP”. Në këtë mënyrë, njërit prej banorëve i ‘pritet bileta’ e qëndrimit në shtëpinë më të famshme në Shqipëri, deri më datë 6 maj.

Luiz Ejlli i bëri thirrje teleshikuesve që ta votojnë si finalist i parë, pasi me atë zgjedhje do t’i ndryshojë jeta.

Ai tha se kjo gjë jo vetëm që do gëzoja ata që do të votojnë, por edhe vetë atë, duke qenë se shpesh herë ka përsëritur faktin se ka dëshirë të shkojë në finale dhe përse jo, të jetë fitues.

Mëngjesin e sotëm, duke biseduar me Kiara Titon dhe Elvis Pupën, këngëtari i njohur tha se ai mund të jetë finalisti i parë dhe nëse emri i tij shpallet sonte, do të bërtasë nga gëzimi i madh.

“Të më sjellin ndonjë rrobë sot se kot, kot, kot, ndoshta ia ka dhënë trurit publikut që të më çojnë finalist të parë, kot. Prite Zot. Nuk e di si do reagoj, e di sa do bërtas o Vis. I bie me shkuar direkt nga dita e 115 në ditën 133. A di ça do me thënë me kaluar direkt 18 ditë. Ai është televotim.

Pasi Efi çoi në burg Dean, Qetsorin, Kristin dhe Bledin me anë të Kutisë së Pandorës, Vëllai i Madh u dha si mision “ të burgosurve” të bindnin banorët e tjerë që Bledi dëshironte të largohej nga shtëpia.

Të gjithë banorët e besuan dhe nuk dyshuan në asnjë moment që ishte një mision.

Që prej daljes nga burgu, Bledi shprehu dëshirën të largohej duke qëndruar larg banorëve të tjerë. Gjatë prime-t të sotëm banorët zbuluan misionin e tij.

Luizi u ka folur banorëve lidhur me Efin, dhe strategjinë për ta larguar atë nga shtëpia.
Sonte në “prime” Efi i ka parë të gjitha fjalët e Luizit për të. Dyshja kishin folur keq për njëri-tjetrin në dhomën e rrëfimit.

Efi kishte thënë: Iku pirdhu ti dhe ajo që të ka bërë.

Kjo nuk i ka pëlqyer fare Luizit, i cili e pyeti Efin se çfarë i bëri nëna e tij.

Luizi tha se ato që i kishte, ia ka thënë asaj në fytyrë. Në anën tjetër, Efi e falenderoi Arbanën, teksa u shpreh se janë shumë të shëmtuara ato që u transmetuan. Luizi tha se i erdhi interesant që doli e preferuar ajo për dy javë, ku mbrenda ka banorë mbi 100 ditë këtu.

Sipas tij ajo u viktimizua para publikut, teksa u duk sikur unë ia kthea shpinën asaj.

Këngëtari, tha se derisa është Kiara në shtëpi, do të mundohet ta qesë keq Efin sepse e do Kiarën në finale.

Gazetari Poli Hoxha dhe avokati Genc Gjokutaj ishin të ftuar mbrëmjen e kësaj të marte në emisionin “Now” në Euronews Albania, për të folur rreth ndikimit të bandave në zgjedhje. Duke iu referuar ngjarjeve të fundit, Poli Hoxha tha se për këto çështje duhen hetuar dhe institucionet duhet të gjejnë sa më shpejtë të vërtetën.

Ai shtoi se duhet të bëhet një ndërhyrje në legjislacion edhe për ndalimin e krimit zgjedhor. Por avokati Gjokutaj tha se për këtë çështje janë 15 nena në kodin penal, sipas tij nuk duhen ndryshime në legjislacion, por është shteti ai që ndryshon e zhduk provat.

Pjesë nga biseda:
Poli Hoxha: Krimi zgjedhor si ç’ka qenë do jetë nëse nuk ndërhyhet në legjislacion në mënyrë shumë të fortë për votën.

Genc Gjokutaj: Zhduk provat shteti, prandaj kalojnë në vetëgjyqësi. Dhe do kalojnë në vetëgjyqësi, se kthesat nuk bëhen ti vidh e unë të filmojë ty, e del ekspertiza mbrapa e thotë nuk duket mirë. Është e ardhmja e fëmijëve Poli është trashur zullumi.

Poli Hoxha: Po nuk ke vetëm ti fëmijë.

Genc Gjokutaj: E fëmijëve tanë Poli.

Poli Hoxha: Çështja është se ky vend ka 32 vite që këto gjëra po i bën me vetëgjyqësi apo pa vetëgjyqësi. Çështja është që ne të japim mesazhin për të ndryshuar kjo qoftë duke ndryshuar kodin, qoftë duke u bërë presion pozitiv institucioneve, sepse vetëgjyqësia është gjë që e kemi parë edhe në ’97. Në fund fare vetëm populli nuk fitoi se nuk u prek asnjë politikan, asnjë gjyqtar, as një prokuror, por u vra populli.

Genc Gjokutaj: Di ti ndonjë hajdut që ka hequr dorë?

Poli Hoxha: Unë të them vetëm që me vetëgjyqësi nuk zgjidhet.

Është diskutuar në spektaklin e madh të së martës raporti mes Efit dhe Luizit.

Duket se dyshja tashmë nuk janë më në një marrdhënie shoqërie aq të ngushtë, teksa mes tyra ka patur dhe fyerje.

“S’kam punë as me familjen tënde, as me shoqet, as me të dashurin. Unë të them ty pirdhu po, por jo nënës tënde.”- tha Luizi.

Elvisi Pupa u eliminua sonte nga “Big Brother VIP 2”, duke hequr dorë përfundimisht nga gara për çmimin e madh.

Aktori i humorit, Elvis Pupa, hyri si konkurrent në shtëpinë më të famshme në Shqipëri vetëm pak javë më parë. Rikthimi në ekran i artistit që tashmë jeton me familjen në Australi, u mirëprit nga publiku që ka pëlqyer humorin e tij kur ishte pjesë e spektaklit të humorit “Portokalli”.

Në nominim përballë Deamishel, Qetsorit, Efit dhe Nitës, Elvisi ishte më pak i preferuari i publikut.

Në intervistën e parë në studion e “Big Brother”, Elvisi u shpreh se lojtarët nuk janë të vërtetë. Madje, me batutë, ai tha se “iu duk vetja si një nga motrat Kardashian”.

“Ashtu si u bënë punët, m’u duk vetja si një nga motrat Kardashian. Nuk kishte asgjë reale. Për mua ishte sfidë të hyja aty dhe të dilja pranë real. Aty, asnjë bisedë nuk ishte reale. 99 për qind e bisedave ishin jo reale. Aty vetëm ‘mirëmëngjes’ dhe ‘natën e mirë’ ishte e vërtetë”.

Aktori i humorit Elvis Pupa ka lënë sot shtëpinë e Big Brother, duke hequr dorë nga çmimi i madh.

Në një televotim me Dea Mishel, Qetsorin, Nitën dhe Jorin, Visi është zgjedhur si banori më pak i preferuar nga publiku për të vazhduar garën e çmimit të madh.

Shotsa dhe dënime me ‘spec’ ka pasur mbrëmë për banorët e shtëpisë më të famshme në Shqipëri. Teksa Vëllai i Madh u dha mundësinë të organizonin një ‘Pyjama Party’, banorët vendosën që ta shijonin në maksimum.

Ata kishin në dispozicion një rulotë, ku kishte dënime të ndryshme dhe disa prej tyre ishin me ‘spec’. Nëse refuzonin që të kryenin dënimin, atëherë do të pinin shots.

Në një moment Nita Latifit i ra që të puthte në buzë personin që kishte në të djathtë të saj. Aty ishte Kiara Tito dhe Luiz Ejlli, i cili menjëherë thotë ‘hajde puthe në buzë Kiarën’.

Kujtojmë se kjo nuk ishte puthja e vetme e kësaj mbrëmje plot argëtim, pasi vetëm Nita është puthur edhe me dy banorë të tjerë. Fillimisht asaj i ra dënimi i tillë, ku në të djathtën e saj kishte Elvis Pupën.

Me këmbënguljen e banorëve, ata u puthën. Nga ana tjetër, Dea Mishelit i ra i njëjti dënim dhe pranë kishte Luiz Ejllin. Teksa ajo shkoi ta puthte, afër saj iku Kiara, të cilën e largoi me lezet.

Si pasojë Dea vendosi që të puthte Nitën, e cila nuk e refuzoi puthjen e banores.